Friday, September 11, 2015

Cannon 250 Mega Pixel Camera

ජපානයේ ඉලෙක්ට්‍රොනික දැවැන්තයෙකු වන ඩිජිටල් කැමරා නිපදවන කැනන් සමාගම විසින් ලොව මෙතෙක් නිපදවා නැති අතිවිශාල මෙගා පික්සල් ප්‍රමාණයක් සහිත කැමරා සෙන්සරයක් නිපදවා තිබේ. මෙගා පික්සල් 250 ක ධාරිතාවක් සහිත එය CMOS වර්ගයේ සෙන්සරයකි. මෙහි ප්‍රබලතාව කොතරම්ද කියතොත් පොළොවේ සිට කිලෝ මීටර් 18 ක් ඉහළ අහසේ පියාසර කරන ගුවන් යානයන බඳේ පින්තාරු කර ඇති අකුරු ඉතා පැහැදිලිව හසුකර ගැනීමට මෙම සෙන්සරයට හැකියාව ඇත. දැනට එම සෙන්සරය සවිකර ඇති ආදර්ශ කැමරාවක් ඇසුරින් පර්යේෂකයින් විසින් මෙම දත්ත ලබාගෙන ඇත.
සෙන්සරය ප්‍රබල වුවත් එය දැනට භාවිතා කරනු ලබන මිලිමීටර් 35 ඩිජිටල් කැමරාවේ සෙන්සරයටත් වඩා කුඩාය. (ප්‍රමාණය - 2.92 cm X 2.02cm)
මෙහි ඇති පික්සල් මිලියන 25 යනු පික්සල් 19580ක් X 12600 ක් යන ප්‍රමාණයකි. එසේම මෙම සෙන්සරය සහිත කැමරාවකින් උපරිම තීව්‍රකාවක් ඇති වීඩියෝ දසුන් ලබාගත හැකි අතර එය දැනට ඇති Full HD මෙන් 125 ගුණයකි. එමෙන්ම දැනට ඇති නූතන 4K තාක්ෂණය මෙන් 30 ගුණයක පැහැදිලි බවක් ලබාගත හැක.
මෙහි ඇති ප්‍රබලතාව නිසා මෙය හුදෙක්ම සාමාන්‍ය මහජනතාවගෙන් බැහැරව යුදමය, කාර්මික, අභ්‍යවකාශ හෝ ආරක්ෂක කටයුතු ස‍ඳහා පමණක් භාවිතා කිරීමට ඉඩ ඇතැයි වාර්තා වේ.
මෙම කරුණු නිසා එය වෙළෙඳ කැමරා ස‍ඳහා භාවිතා කිරීම සැක සහිත වී තිබේ. ඒ ආරක්ෂක හේතු නිසාය. කොහොමටත් එය අනාගතයේදී ඔබගේ ස්මාට් ජංගම දුරකථනයේ භාවිතයට පැමිණීම සිදු නොවන බව අදාල සමාගම පවසයි. ඒ වුණත් එයින් යම් ආයතන වලට ලැබෙන ඉමහත් ප්‍රයෝජන නිසා වක්‍රාකාරයෙන් මහජනයාටද ඉන් ප්‍රයෝජන ලැබෙනු ඇතැයි මාධ්‍ය වාර්තා කර තිබේ.

No comments:

Post a Comment